எங்களது அகராதிகள் எவ்வாறு தயாரிக்கப்படுகின்றன?

சான்றை அடித்தளமாகக் கொண்ட முறையில் அகராதி தயாரித்தால் மட்டுமே அம்மொழியின் கூறுகளை மிகத் துல்லியமாகக் காண்பிக்க இயலும் என்று ஆக்ஸ்போர்டு மொழிகள் உறுதியாக நம்புகிறது.
 
எங்கள் அகராதிகள், ஒரு சொல்லின் உண்மையான பயன்பாட்டின் மீது மேற்கொண்ட ஆய்வைக் கொண்டு அச்சொல்லின் வரையறை, எழுத்துக் கூட்டுரு, இலக்கண செயல்பாடுகள் ஆகியவற்றை தீர்மானிக்கிறது; வழிகாட்டல் அனைத்தும் இந்த ஆய்வுகளைக் கொண்டே வழங்கப்படுகின்றன.
 
இம்முறையை பயன்படுத்தி வழக்கில் சேரும் சொற்கள் மற்றும் பயன்பாடுகளை எங்கள் குழு இனம் காண்கின்றது.
 
சான்றை அடித்தளமாகக் கொண்ட இம்முறை விவரிக்கும் சொல்லியல் என்று அழைக்கப்படுகிறது. ஒரு மொழியை எவ்வாறு பயன்படுத்த வேண்டும் என்று கூறுவதைக் காட்டிலும், ஒரு மொழியின் நிலை, உலகெங்கிலும் அதன் பயன்பாடு ஆகியவற்றை விவரிக்கவே எங்கள் அகராதிகள் முனைகின்றன.
 
ஒவ்வொரு மொழியையும் துல்லியமாகவும், அர்த்தமுள்ள வகையிலும் காண்பிக்கும் எங்களது ஆற்றலில் பயனர்கள் முழு நம்பிக்கை கொள்ளும் வகையில், நாங்கள் தயாரிக்கும் அல்லது எங்களது வல்லுநர் குழு தேர்ந்தெடுக்கும் அகராதிகள் அனைத்தும் முழுமையான தர பரிசோதனைகளுக்கு உள்ளாக்கப்படுகின்றன.

குறுமொழி (ஸ்லாங்) மற்றும் வட்டார மொழி வழக்குகள் எங்களது அகராதியில் இடம்பெறுவது ஏன்?

ஒரு மொழியின் அனைத்துச் சொற்களையும் துல்லியமாகவும் விரிவாகவும் ஆவணப்படுத்தவே நாங்கள் விழைகிறோம். எனவே, குறுமொழி மற்றும் வட்டார மொழி வழக்கு உட்பட அன்றாட வாழ்க்கையில் மொழியின் பயன்பாட்டை அதன் எல்லா வடிவங்களையும் கணக்கில் கொண்டு பதிவு செய்துள்ளோம்.
 
ஒரு சொல்லின் மொழி நிலை மற்றும் பயன்பாட்டில் பயனர்கள் தெளிவு கொள்வதற்காக, அனைத்து குறுமொழிகளும், வட்டார வழக்கு சொற்களும் எங்கள் அகராதி பதிவுகளில் துல்லியமாக எடுத்துக்காட்டப்பட்டுள்ளன.